आफूहरूलाई एक महिना काम लगाएर जम्मा दुई हजार पारिश्रमिक दिएको उनीहरूले बताएका छन्। मानव सेवा फाउन्डेसनले आयोजना गरेको सो कोटिहोममा शाही युवा शक्ति नामक संगठनले व्यवस्थापनको जिम्मा लिएर कामदारहरू राखेको थियो। सोही संस्थाले ठगी गरेको पीडितमध्ये एक रामसुन्दर कार्कीले बताए।

सो संस्थाका अध्यक्ष पशुपति खड्काबाट आफूहरू पीडित भएको उनको भनाइ छ। ‘दिनको दुई हजार दिने भनेर हामीलाई काममा लगाइयो, भारी बोक्नेदेखि हामीले सबै काम गर्‍यो,’ उनले भने, ‘तर, अहिले हामीमाथि अन्याय भएपछि प्रहरीमा आउन बाध्य भएका हौँ।’