भक्तपुर । नेपाल रेडक्रस सोसाइटी भक्तपुर जिल्ला शाखा र भक्तपुर नगरपालिकाबीच नगरपालिका बासिन्दाहरूलाई नि:शुल्क रगत तथा रक्ततत्व वितरण गर्ने सम्बन्धी सम्झौता आगामी वर्ष २०८२/०८३ का लागि नवीकरण गरिएको छ।
सम्झौता नवीकरणसँगै भक्तपुर नगर क्षेत्रमा बसोबास गर्ने सर्वसाधारणले आवश्यकताअनुसार निशुल्क रक्त सेवा पाउने व्यवस्था निरन्तर हुने भएको छ। यसले आर्थिक रूपमा कमजोर नागरिकलाई प्रत्यक्ष राहत पुग्ने विश्वास गरिएको छ।
रेडकस भक्तपुर जिल्ला शाखा र नगरपालिकाले सामुदायिक स्वास्थ्य सेवा अझ प्रभावकारी बनाउन यस किसिमको सहकार्यलाई निरन्तरता दिने प्रतिबद्धता जनाएका छन्।
