शिक्षा, विज्ञान तथा प्रविधि मन्त्रालयले शिक्षकलाई पठन पाठनमा सहजीकरण, समन्वय गर्न आग्रह गरेको छ।
मंगलबार विज्ञप्ति प्रकाशित गरी शिक्षा मन्त्रालयले ‘शिक्षक र कर्मचारीहरू हाल विद्यालय फर्केर आफ्नो पेशागत दैनिकी सूचारु गरिरहेको सन्दर्भमा सबैको निरन्तर सक्रियता, उत्प्रेरित कार्य सम्पादन तथा विद्यार्थीको सिकाइ उपलब्धिमा विशेष सुधार ल्याउने शिक्षकको अठोटलाई प्रवर्धन गर्ने उद्देश्यले विशिष्ट प्रकारको समन्वय, सहकार्य र सहजीकरणको भूमिका निर्वाह गरिदिन हुन सबै स्थानीय तह, विद्यालय तथा सरोकारवाला वर्गलाई’ आग्रह गरेको छ।
यसरी शिक्षक एवम् कर्मचारीको आन्दोलनले विद्यार्थीको सिकाइ प्रणालीमा गुमेको अवसरको क्षतिपूर्ति स्वरूप विद्यालयको अनुकूलता अनुसार हिउँदे अथवा वर्षे विदाको अवधिमा पठनपाठन सञ्चालन गर्न महासङ्घको प्रतिवद्धता समेतका आधारमा आवश्यक व्यवस्था मिलाउन पनि सम्पूर्ण सामुदायिक विद्यालयलाई अनुरोध गरिएको छ।
