भक्तपुर । भक्तपुरमा बुवाले आफ्नै छाेरामाथि चक्कु प्रहार गरेका छन् । मादक पदार्थ सेवन गरि घर पुगेका बुवाले आफ्नै छाेरामाथि तरकारी काट्न प्रयाेग हुने चक्कु प्रहार गरेकाे प्रहरीले जनाएको छ ।
बुवाले छाेरामाथि चक्कु प्रहार गर्दा घाइते भएका छाेराकाे ज्यान गएकाे छ ।
भक्तपुर नगरपालिका वडा नं. २ सहिद स्मृति खेल मैदान न्हुच्छे बहादुर बोयजुको घरमा डेरा गरी बस्ने बर्ष ३१ को नरेन्द्रबहनदुर शाहीलाई घरायसी बिबादको क्रममा उनका बुवा बर्ष ६३ को दिपबहादुर शाहीले चक्कु प्रहार गरेका थिए ।
मादक पदार्थ सेवन गरेका शाहीले छाेराममथि तरकारी काट्ने चक्कु प्रहार गर्दा छाेराकाे दाहिने पट्टिकाे छातिमा लागेकाे थियो । उनलाई उपचारको लागि भक्तपुर अस्पताल लगेकोमा उपचारको क्रममा मृत्यु भएको प्रहरीले जनाएको छ ।
हाल लास सोही अस्पतालमा रहेको र चक्कु प्रहार गर्ने शाही भक्तपुर जिल्ला प्रहरी परिसरमा रहेकाे प्रहरीले जनाएको छ ।
